ഉത്തരം
ഒരു ഇലക്ട്രോൺ മാത്രമുള്ള ഹൈഡ്രജൻ മുതൽ നൂറ്റിപ്പതിനെട്ടു
ഇലക്ട്രോണുകൾ ഉള്ള ഒഗാനസൻ വരെയുള്ള മൂലകങ്ങളെ നമുക്കിന്നു അറിയാം . ഈ
ആറ്റങ്ങളിലെ ഇലക്ട്രോൺ വിന്യാസത്തെ quantum mechanics വിശദീകരിച്ചിട്ടുണ്ട്. അതനുസരിച്ചു ഓരോ ഷെല്ലിലും ഇലക്ട്രോണുകൾ നിലകൊള്ളുന്ന പ്രദേശത്തെ
ഓർബിറ്റലുകൾ എന്നു വിളിക്കുന്നു . ഓർബിറ്റലുകൾ s,p,d,f,g.. എന്നീ പേരുകളിലാണ് അറിയപ്പെടുന്നത്. ഒന്നാമത്തെ ഷെല്ലിൽ '
s ' ഓർബിറ്റൽ മാത്രമാണുള്ളത്. രണ്ടാമത്തേതിൽ
'
s ' ഓർബിറ്റലും '
p '
ഓർബിറ്റലും
ഉണ്ടായിരിക്കും . മൂന്നാമത്തെ ഷെല്ലിൽ
s,p,d എന്നീ മൂന്ന് ഓർബിറ്റലുകൾ ഉണ്ടാകും...
ഏതൊരു ഷെല്ലിലും ' s ' ഓർബിറ്റൽ ഒന്ന് മാത്രമേ ഉണ്ടാകൂ . ' p ' ഓർബിറ്റൽ ആകട്ടെ മൂന്നെണ്ണം ഉണ്ടായിരിക്കും . ' d' ഓർബിറ്റൽ അഞ്ചെണ്ണവും ' f ' ഓർബിറ്റൽ ഏഴെണ്ണവുമാണുള്ളത്. ഒരു ഓർബിറ്റലിൽ പരമാവധി രണ്ട് ഇലക്ട്രോണുകളെ മാത്രമേ വിന്യസിക്കാനാകൂ. അതിനാൽ ഒന്നാമത്തെ ഷെല്ലിൽ ' s ' ഓർബിറ്റൽ മാത്രമേ ഉള്ളൂ എന്നതിനാൽ ഒന്നാമത്തെ ഷെല്ലിൽ രണ്ടു ഇലക്ട്രോൺ മാത്രമേ ഉൾക്കൊള്ളാനാകൂ. രണ്ടാമത്തെ ഷെല്ലിൽ ഒരു ' s ' ഓർബിറ്റലും മൂന്ന് ' p ' ഓർബിറ്റലും ഉള്ളതിനാൽ മൊത്തം എട്ടു ഇലെക്ട്രോണുകളെ ഉൾക്കൊള്ളാനാകും. ഇപ്രകാരം മൂന്നാമത്തെ ഷെല്ലിൽ പരമാവധി പതിനെട്ട് ഇലെക്ട്രോണുകളും നാലാമത്തേതിൽ മുപ്പത്തിരണ്ടെണ്ണവും ഉൾക്കൊള്ളാനാകും. ഏറ്റവും പുറമെയുള്ള ഷെല്ലിൽ പരമാവധി എട്ടു ഇലക്ട്രോണുകളെ ഉണ്ടാകൂ. ഹീലിയം ഒഴികെയുള്ള അലസ വാതകങ്ങളിൽ പുറമെയുള്ള ഷെല്ലിൽ എട്ടു ഇലക്ട്രോണുകളാണുള്ളത് .
Share This Article
