എങ്ങനെയാണ് രോമാഞ്ചം(goosebumps) ഉണ്ടാവുന്നത്?


ഉത്തരം


മനുഷ്യർ പേടിക്കുമ്പോഴോ, തണുക്കുമ്പോഴോ തലച്ചോറിലെ ഹൈപ്പോതലമാസ് ഉണരുകയും ശരീരത്തിലെ സിമ്പതറ്റിക് നാഡി വ്യവസ്ഥയെ (sympathetic nervous system  ) ഉത്തേജിപ്പിക്കുകയും ചെയ്യും. ഈ നാഡി വ്യവസ്ഥയാണു പേടിക്കുമ്പോൾ  പൊരുതുക അല്ലെങ്കിൽ രക്ഷപ്പെടുക  എന്ന വികാരം ( fight-or-flight responses.)  ഉണ്ടാക്കുന്നത്. സിമ്പതറ്റിക് നാഡി വ്യവസ്ഥ ഉണർന്നതിൻ്റെ ഫലമായി  അഡ്രിനാലിൻ  ഹോർമോൺ ഉത്പാദിപ്പിക്കപ്പെടുന്നു. ഈ ഹോർമോൺ രക്തത്തിലൂടെ സഞ്ചരിച്ച് തൊലിയിൽ എത്തുമ്പോൾ തൊലിയിലെ രോമങ്ങളുമായി ബന്ധിപ്പിക്കപ്പെട്ടിരിക്കുന്ന അറേക്റ്റർ പിൽ  എന്ന പേശിയെ (arrector pili muscles ) സങ്കോചിപ്പിക്കുന്നു. ഈ  പേശി സങ്കോചം മൂലം തൊലിയിൽ ഒരു ചെറിയ മുഴ രൂപപ്പെടുകയും അതിനോട് ചേർന്നു നിൽക്കുന്ന രോമം എഴുന്നേറ്റു നിൽക്കുകയും ചെയ്യും.

ചിത്രത്തിൽ 1) എപ്പിഡെർമിസ് 2) അറേക്റ്റർ പിൽ  എന്ന പേശി 3) രോമം 4) ഡെർമിസ്



കൂടുതൽ വായനയ്ക്ക്
  1. why-do-humans-get-goosebu
  2. The hair-raising reason for goosebumps
Share This Article
Print Friendly and PDF